香港人對地獄鬼國的同情心已在汶川地震時用盡
＝＝＝＝＝＝＝＝＝＝＝＝＝＝＝＝＝＝＝＝＝
天津爆炸後，網絡一片所謂「幸災樂禍」嘅留言，令我諗起2008年嘅汶川地震。
唔知大家仲記唔記得，汶川地震之後，香港人捐錢、祈福、賑災通通做齊。當年你有捐錢嗎？當年你有祈福嗎？香港人付出咗真心，結果係：善款多被地獄鬼國班貪官污吏私吞，豆腐渣工程繼續出現，「黑心樓」無處不在，香港人嘅善心善款有用在正確用途嗎？鬼國社會有無進步過？問題繼續沒完沒了。
幾年後，香港亦不幸地發生了幾宗事故，鬼國點反應？2010年馬尼拉人質事件，香港作為區區一個行政區，邊有外交牙力同菲律賓角力？時常掛係大家口邊嘅「阿爺」，有幫香港嗎？件事拖到2014年，菲律賓政府先肯發聲明致歉，件事先稍為得到解決。2013年，埃及熱氣球事故，如圖所示啦，無需多講。
幸災樂禍源於中港矛盾＞中港矛盾源於共產黨「無料扮四條」
想當年楊千嬅出席汶川地震賑災活動，有記者問及她與丁子高結婚一事，以「驚嚇程度勁過四川大地震」形容傳聞，被指拿地震抽水開玩笑。當年係討論區，你無留言悼念四川「同胞」，留埋啲鬧中共嘅說話，會被人插到上天花板。到左今日，大大小小嘅網絡媒體，各位網民嘅留言，大部份都係左膠或者藍絲所謂嘅「幸災樂禍」，但點解咁多likes？點解網民咁buy？幾年時間就可以將道德逆轉，中港矛盾擴展到凌駕於道德？
呢場中港矛盾，大家講左好多年，原因除左講到口都臭嘅共產黨，其實仲有一個共產黨不敢承認嘅事實：無論係經濟環境社會民智政治等範疇，地獄鬼國仍然係一個極度落後嘅發展中國家。共產黨唔肯承認事實，繼續粉飾太平，扮世界大國，而香港人，就更加睇唔起佢地。
從多個範疇睇，鬼國究竟係咪世界大國。金融增值？有邊個世界大國會救市救到咁肉酸，有邊個世界大國嘅正股市場會有漲停機制(10%)；新聞流通？有邊個世界大國嘅新聞報道會有死亡人數漲停板(35人)機制。經濟高速增長？有邊個世界大國會拔苗助長發展經濟，忽視環境保育，北京空氣污染幾勁，唔洗講；社會安全？有邊個世界大國嘅廠商會黑心到咁，利字行頭，完全忽視安全技術，咩大頭奶粉呀食人電梯呀黑心食品呀中國的會爆炸呀，呀邊個藝人係大陸拍野整親呀，多到化左灰都數唔完。政治同世界接軌？有邊個世界大國會有假普選。總之，生活係地獄鬼國之下，咩都有可能。七七四十九種死法，每日新聞報出黎都叫人嘖嘖稱奇。
總之，繼續扮世界大國，唔肯承認自己係個道德敗壞，表面風光但其實極度落後嘅發展中國家，仲影響埋香港發展，我地就越卑視，越睇唔起地獄鬼國，中港矛盾就會繼續惡化。
「同情心」係咁用架咩？
論番呢單天津爆炸。有人留言話天津人好慘好無辜，呢個時候講呢啲說話無幫助…這單新聞：「2012年少部分天津人上街示威，反對起化工廠，民眾稱一旦毒氣洩漏方圓5公里人畜均亡」…到今日，真係出事。正正因為民智未開，鬼國人民不敢與強權搏鬥，最後自食其果。無錯，佢地係慘，慘在活係鬼國中，死係鬼國下。無辜？當初要起化工廠，比機會你，你有企出黎抗權嗎？「無辜」係咁用架咩？
汶川地震時你悼念完，同情完，捐完錢，鬼國社會有無進步過？有無嘗試拉近番佢地同香港嘅文化水平？到今日天津，比香港人嘲笑，鬼國人民會唔會的起心肝進步、抗權？唔會嘅話，再隔多幾年，可能不幸地又多一單呢啲事故，鬼國豆腐渣技術堆砌出黎嘅社會又崩潰一次，香港人跟住又悼念，又捐錢，又同情，無限loop……咁，發生咁多事故嘅根源都無解決到，「同情心」係咁用架咩？
（P.S. 實有人留言話：「得把口，你自己做過乜野？」「共產黨咁大，點反呀」）
圖;朗思製作
Search